I denne boka fortel Patti Smith om sin eigen kreative prosess og kva som inspirerer henne. Vi får lese ei vakker forteljing og blir tekne med på fleire reiser, mellom anna til Sør-Frankrike og til Camus' heim, og til forleggjaren Gallimards hage, der vi møter gjenferda til Mishima, Nabokov og Genet. Smith oppsøkjer også Simone Weils grav på ein einsam kyrkjegard og tek oss med gjennom dei namnlause Parisgatene i Patrick Modianos romanar. Ho deler sjenerøst med lesaren frå dei notata ho tek på kafeen eller på toget, og læt oss få eit unikt innblikk i korleis kunsten hennar blir til. Boka er omsett av Siw-Anita Kirketeig.
