I NORSK TRADISJONSMAT PÅ EIN NY MÅTE formidlar Bodil Nordjore levande norske mattradisjonar på innbydande og inspirerande vis. Ho tek utgangspunkt i det me kallar husmannskost, men òg i sin eigen arv og sine personlege erfaringar med mat og matlaging. Det er i det heimelaga dei gode smakane sit, og det veit Bodil Nordjore som få andre.Hennar sterke side er at ho ikkje berre lagar tradisjonsmaten slik ein gjorde før, men gjev rettene sin eigen kreative vri og tilpassar dei vår tids mattradisjonar. Dette er mat som er «gammaldags» og «ny» samtidig, men alltid god.