Guten i forteljinga til Helge Torvund ønskjer seg mest av alt ein rattkjelke. Men ingen av gåvene under treet liknar på det. Når alle gåvene er delte ut på julaftan og guten har mista håpet, kjem pappaen med ei stor gåve i hendene. Det er rattkjelken! I romjula dreg guten og venene ut med kjelkane sine og køyrer i bakken dagen lang. I kveldinga kjem storebroren til guten og hentar han på mopeden sin. På veg heim skjer det noko som gjer at guten og storebroren får ei hemmelegheit saman, og etter det kan ingenting bli som det var. Helge Torvund har skrive ei stemningsfull og tidlaus forteljing i diktform om forventningar, glede og om å vekse opp.
Publisert i Barnas juleroser i 2021.
